خواطر تسر الخاطر....قصيرة بس حلوة.

( 1 )
ミミミ
اقول بكره ينتهي الهم وألقاك
ويطلع علي الصبح أقول باكر
ضايع بدونك بين شوقي وذكراك
أنا اعترف بالضعف مقدر اكابر
الصمت بيت ودمعتي ألف شباك
والهم باب وغيبتك ألف زاير
( 2 )
ミミミ
عني تغيب ايام تظهر لــها أيام
مدري ولع او قصدها زود تشويق
ان كان تشويق تراني من العام
ميت وحبك حي بين المــعاليــــق
وكانه دلع ياحسرتي منه لي دام
وشلون اقاوم سطوته ساعة الضيق
(3)
ミミミ
من امس وقلبي خفقته ماهي بخير
من يوم غابت عن سمايا بروقــك
يومين وهمومي بقلبي طوابيــــر
وانت الوله ما يبلل عروقــــــك
كانه بخـــــــــــــل..... ؟؟
حول علي الفواتير... !!
وكانه ثقــــــــــل....... ؟؟
الله يلين خفوقك..... !!!
(4 )
ミミミ
نويت أسلــم لك عيونــي قبل لا امشــي
ما ودي اشــوف غيرك لا ارتفــع رمشــي
ياللي عيونك تلوح بالفرح كوني
قلبي اعرفه بدونك يشعل جنوووني
(5 )
ミミミ
تدري بعد ماغبت وش كنت أسوي..
كنت وخيالك مثل جفـن ٍ علـى عيـن
كنت أنتظر والوقـت .. كنـه عـدوي
لاطااااال .. زاد الشوق فيني بضعفيـن..
حتى قبل ملفاك .. هالحين .. توي
سافرت أفكربك / ولاأدري على وييييين..!!
( 6)
ミミミ
يانور عيـــني فــــرقتنا المــــقادير
والكل منا مبعدن عن خــــــــليله
حكم القدر ياصاحبي لازم يصــــير
وليا حكم محدن يحاول يزيـــــله
مدري من ايام الدهر حصل تقصير
ولا صدوف الوقت صارت بخيله
( 7 )
ミミミ
يكلمني عن جروحه وأنا من سبته مجروح
يسولف لي عن أحبابه واسولف عنه لحاله
أحس في دمعة عيونه..وتطلع من بكاه الروح
وإذا يفرح مع غيري بكى قلبي وهنا له
( 8 )
ミミミ
يفداك عمري بس تضــحــــــك لياليك ..
ولا أشوف في عينك للأحزان دمعـــه .
غــلاك عندي ما يجي فيه تشكيــــــــك ..
لو بجمعه ,, يصعب على الروح جمعه .
متعلي قدرك ,, ولا أحد يوازييـــــــــك ..
ولا هــــــــــمني غيرك ولو سال دمعه .
( 9 )
ミミミ
ابعد عن عيوني..
ترى جرحك مأذيني
واتركني من ظلمك..
وارجع وجافيني
لأنه بقربك الدنيا..
أسود من سواد عيني
تعلمني أكون قاسي..
وأسلم أمري بايديني
وأحط الحرة بالغدار..
غدر بشعوري وفيني
(10 )
ミミミ
ويـنــك..؟؟
يامن رسـت لـك كـل المحـبه رضايـــف،.
وأرخـيـت لـك حرفـن مـن الغـلا مذبــوح،.
ترى الغلا مب شرط تنطـقه الـشفايــف،.
بس شرط تشعر به لو المسافه سفوح،.
(11 )
ミミミミミミ
انت الوفـــا يوم الوفــا من سجايـاك
وانت الغـلا يوم الغـلا فيــك مجنون
وانت العزيز اللي على العـز مربـاك
وانت القصيـد اللي على القاف موزون
يحــلا الكـلام ليا طلـع من شفايــاك
و يصيــر له.. روح و يديـن و عيـون
( 12 )
ミミミ

أنت عمري وابتسامات العــــــــذاب
وأنت من غيرك ترى ماني امحسوب
مثل الصفر خالف أرقام الحســــــاب
في شماله تاه يبحث عن جنـــــــــوب
مابقالي قلب يدرك للصـــــــــــــواب
تعصف بفكري متاهات الــــــــدروب
وارجع لنفسي وأحملها عتـــــــــــاب
وأهرب بهمي ولاينفع هـــــــــــروب
(13 )
ミミミ
سامحني لو ابتعدنا كثيــــــر ..
بس قلبـــي لو طلبته ما ابتعد .
رافض بعدك ولو جرحه أثير ..
ينتظر رجعه حبيبه والسعــــد .
ما طلبتك تترك عيوني تحيــر ..
في مدامعها عيونك للأبــــــــد .
صدقني قدرك الغالي كبيـــــر ..
وسط قلبي ما يساوي له أحـــد .
( 14 )
ミミミ
ابي أكتب قصيدة حب أبي تفهم معانيـــها
اريدك بين هالعــــالم تفاخر يوم تقــــراها
أبيك لحروفها تطرب أبي غيرك يغنيــــها
أبي لامن سألك أنسان من اللي فيك سواها؟
تقول: اللي سكن قلبي وروحه بي معنيــها
(15 )
ミミミ
يا مخاوي الشوق نارالشوق بزياده
وكثرة همومي ولادري وش تواليها
اكتم بقلبي عذاب الوقـت وعنـاده
والونه اللي عن الحسـاد مخفيهـا
واخشي من الوقت والدنيا لهاعاده
لا تامن المر لو زاد الحلـى فيهـا